දහවල හා රාත්‍රිය සදාකාලික, පෘථිවියට සමාන විශාලත්වයකින් යුතු පිටසක්වළ ග්‍රහලොවක් සොයා ගැනේ

අපගේ හිරු මෙන් සිය ගුණයක පැවැතුම් කාලයක් ඇතැ යි උපකල්පනය කෙරෙන, ප්‍රමාණයෙන් කුඩා තාරකාවක් වටා ගමන් කරන පෘථිවියට සමාන විශාලත්වයකින් යුතු නව පිටසක්වළ ග්‍රහලොවක් සොයාගැනීමට තාරක‍ා විද්‍යාඥයන් සමත් ව සිටිනවා. Speculoos-3b ලෙස නම් කර ඇති මේ නව පාෂාණමය ග්‍රහලොව පිහිටන්නේ පෘථිවියේ සිට ආලෝක වර්ෂ 55ක් ඈතින්. අපගේ සූර්යයාගේ උෂ්ණත්වය මෙන් අඩක උෂ්ණත්වයකින් හා සිය ගුණයකින් අඩු දීප්තියකින් ද යුතු වන සිසිල් රතු වාමන තාරකාවක් මේ ග්‍රහලොවේ මව් තාරකාව වනවා. විද්‍යාඥයන් අනාවරණය කරගෙන ඇති පරිදි Speculoos-3b සෑම පෘථිවි පැය 17කට වරක් සිය මව් තාරකාව වටා එක් වටයක් සම්පූර්ණ කරනවා. එනම් එම ග්‍රහලොව මත එක් වසරක් පෘථිවි දින 17කින් සම්පූර්ණ වනවා|තව කියන්න විදුසර